Isroil tashqi ishlar vazirligidagi manbalar diaspora ishlari bo‘yicha vazir Nahman Shayning Ukrainaga qurol yetkazib berilishi haqidagi bayonotini tezda inkor etib chiqdi, deb yozmoqda Times of Israel nashri.
Tashqi ishlar vazirligi rasmiylarining aytishicha, Shayning bayonoti Isroil hukumatining rasmiy pozitsiyasini aks ettirmaydi.
Avvalroq Eronning Rossiyaga nafaqat dronlar, balki “Fateh-110” va “Zolfaghar” raketalarini yetkazib bermoqchiligi ma’lum bo‘lgach, Shay shunday bayonot bilan chiqqan edi: “Bu qonli mojaroda Isroil qaysi tomonni tanlashi kerakligi haqida hech qanday shubha qolmadi. Ukrainaga AQSH va NATO berayotgan harbiy yordamlar kabi Isroil tomonidan ham shunday yordam berish vaqti keldi”.
Bunga javoban Rossiya Xavfsizlik kengashi rahbari o‘rinbosari Dmitriy Medvedev Ukrainaga qurol-yarog‘ yetkazib berish o‘ylamasdan qilingan qadam bo‘lishini va Isroil—Rossiya munosabatlarini buzishini ta’kidladi.
Izoh (0)