“Tolibon” harakati tomonidan tuzilgan Afg‘oniston hukumatidagi tashqi ishlar vaziri o‘rinbosari Sher Muhammad-Abbos Stanikzay jahon hamjamiyatidan SSSR, NATO va AQSHning turli xil qurollardan foydalanishi oqibatida Afg‘onistonda yuzaga kelgan ekologik muammolarni hal qilish uchun yordam so‘radi. Bu haqda u Global iqlim o‘zgarishi haftaligi munosabati bilan o‘tkazilgan tadbirda aytib o‘tdi, deb xabar bermoqda TOLOnews.
“Faqat biz emas, balki butun dunyo Afg‘onistondagi ekologik muammolarni hal qilish uchun mas’uldir, chunki ular Afg‘oniston atrof-muhitiga zarar yetkazdi”, — dedi Stanikzay.
U 1979-yildan 1989-yilgacha Sovet armiyasi, 2001-yildan 2021-yilgacha NATO qo‘shinlari bo‘lgan paytda Afg‘onistonda porox, kimyoviy qurol va aviabombalardan foydalanish oqibatlarini nazarda tutayotganini tushuntirdi. Afg‘onistonliklar boshqa mamlakatlar aholisiga qaraganda ko‘proq saraton kasalligiga chalinmoqda.
Uning so‘zlariga ko‘ra, masalan, sharqiy Nangarhor viloyati aholisi 2017-yildan keyin haligacha teri kasalliklari, asabiy buzilishlar va hosildorlikning pasayishi haqida shikoyat qiladi. O‘sha yili viloyatda AQSH “Barcha bombalarning onasi” (GBU-43/Massive Ordnance Air Blast) qurolini qo‘llagan edi.
Izoh (0)