«Толибон» ҳаракати томонидан тузилган Афғонистон ҳукуматидаги ташқи ишлар вазири ўринбосари Шер Муҳаммад-Аббос Станикзай жаҳон ҳамжамиятидан СССР, НАТО ва АҚШнинг турли хил қуроллардан фойдаланиши оқибатида Афғонистонда юзага келган экологик муаммоларни ҳал қилиш учун ёрдам сўради. Бу ҳақда у Глобал иқлим ўзгариши ҳафталиги муносабати билан ўтказилган тадбирда айтиб ўтди, деб хабар бермоқда TOLOnews.
«Фақат биз эмас, балки бутун дунё Афғонистондаги экологик муаммоларни ҳал қилиш учун масъулдир, чунки улар Афғонистон атроф-муҳитига зарар етказди», — деди Станикзай.
У 1979 йилдан 1989 йилгача Совет армияси, 2001 йилдан 2021 йилгача НАТО қўшинлари бўлган пайтда Афғонистонда порох, кимёвий қурол ва авиабомбалардан фойдаланиш оқибатларини назарда тутаётганини тушунтирди. Афғонистонликлар бошқа мамлакатлар аҳолисига қараганда кўпроқ саратон касаллигига чалинмоқда.
Унинг сўзларига кўра, масалан, шарқий Нангарҳор вилояти аҳолиси 2017 йилдан кейин ҳалигача тери касалликлари, асабий бузилишлар ва ҳосилдорликнинг пасайиши ҳақида шикоят қилади. Ўша йили вилоятда АҚШ «Барча бомбаларнинг онаси» (GBU-43/Massive Ordnance Air Blast) қуролини қўллаган эди.
Изоҳ (0)