Kiyevda dronlar hujumidan, Yeyskda bombardimonchi samolyot qulaganidan keyin olingan kadrlar. Urushning 236-kunidan fotoreportaj
17-oktabr kuni ertalab Rossiya qo‘shinlari kamikadze dronlari yordamida Kiyevga hujum qildi. Ukraina rasmiylarining ta’kidlashicha, bular Rossiya Mudofaa vazirligi Erondan sotib olayotgan dronlar edi. Hujum oqibatida 4 kishi halok bo‘lgan, yana 19 kishi vayronalar ostidan qutqarilgan. Rossiya Vinnitsa, Sumi, Dneprbo‘yi va Odessa viloyatlaridagi infratuzilma obyektlariga ham hujum qildi. O‘sha kuni kechqurun Rossiyaning Su-34 bombardimonchi samolyoti Krasnodar o‘lkasining Yeysk shahrida halokatga uchradi. Samolyot turar joy binosi yaqinida qulab tushdi va portladi; 13 kishi halok bo‘ldi, 20 kishi yaralandi. Moskva meri va Moskva viloyati gubernatori bu hududlarda “qisman safarbarlik” tugaganini e’lon qildi, biroq Agora huquqni himoya qilish guruhi rahbari ularning so‘ziga ishonmaslikka chaqirdi. Meduza urushning 236-kuniga oid asosiy fotosuratlarni taqdim etdi.
Kiyev bo‘ylab dronlar hujumi
17-oktabr kuni ertalab Kiyevga kamikadze-dronlari hujum qildi. Shevchenkovskiy tumanida beshta portlash sodir bo‘ldi. Umumiy hisobda shaharga 28 ta dron hujum qilgan, ularning aksariyati ukrainalik harbiylar tomonidan avtomatik qurollar va havo hujumiga qarshi mudofaa tizimlari yordamida urib tushirilgan.Foto: AFP
Kiyev politsiyasi xodimi uchib ketayotgan dronga qarata o‘q uzmoqda. Dron hujumi paytida turar joy binosi vayron bo‘lgan va energiya obyektlari — “Ukrenergo” elektr uzatish operatori binosi va issiqlik elektr stansiyasi vayron bo‘lgan.Foto: AFP
Kiyevda dron hujumidan keyin portlash sodir bo‘lgan lahza.Foto: AFP
Shifokorlar kiyevlik yarador ayolga yordam bermoqda. Dron hujumi oqibatida to‘rt kishi, jumladan, homilador ayol halok bo‘ldi.Foto: AP Photo
Ukraina harbiysi va kiyevlik ayol yerosti to‘xtash joyida.Foto: Getty Images
Kiyevdagi yo‘lda yig‘lab turgan kishi.Foto: AFP
Kiyev aholisi va politsiyachilar dron hujumidan keyin.Foto: AFP
Ukrainalik harbiy havo hujumidan ogohlantiruvchi trevoga chalinayotgan vaqtda.Foto: Reuters
O‘t o‘chiruvchilar vayron bo‘lgan uylardan birining o‘rnida ishlamoqda.Foto: AP Photo
Dron hujumida halok bo‘lgan kishining jasadi yonida turgan politsiya xodimi. Kiyev meri Vitaliy Klichko urib tushirilgan dronlardan birining qoldiqlari suratini e’lon qildi – unda “Geran-2” deb yozilgan. Rossiya Mudofaa vazirligi Erondan sotib olingan Shahed-136 kamikadze dronlarini shunday ataydi.Foto: AP Photo
Rossiya Qurolli kuchlari samolyoti Yeyskdagi turar joy binosi yaqinida qulab tushdi
Krasnodar o‘lkasining Yeysk shahrida Su-34 bombardimonchi samolyoti qulagan lahza. Suratda portlashdan oldin samolyotni tark etishga ulgurgan parashyutdagi uchuvchini ko‘rish mumkin.Foto: Telegram
Harbiy samolyot to‘qqiz qavatli turar joy yaqinida qulab tushdi va undan yonilg‘i to‘kildi. Yong‘in 556 kishi istiqomat qiladigan uyga ham o‘tgan. So‘nggi ma’lumotlarga ko‘ra, 13 kishi halok bo‘lgan va 20 ga yaqin odam yaralangan. Rossiya Favqulodda vaziyatlar vazirligi ma’lumotlariga ko‘ra, jarohat olganlar orasida ikki homilador ayol ham bor. Qidiruv ishlari davomida 68 kishi qutqarib olingan, 360 dan ortiq kishi evakuatsiya qilinganFoto: “TASS”
Yeyskdagi turar joy binosi yaqinida qulagan harbiy samolyot bo‘laklari.Foto: AP Photo
Yeyskda samolyot qulagan joyda o‘t o‘chiruvchilar ishlamoqda.Foto: AP Photo
Ukraina shaharlariga hujumlardan keyin tinch aholi hayoti
Xarkov aholisi supermarketda. 10-oktabr kuni sodir bo‘lgan ommaviy otishmalardan keyin shahar elektr ta’minotida yuzaga kelgan muammolar hamon saqlanib qolmoqda. Oxirgi marta shahar 18-oktabr tongida o‘qqa tutilgan, halok bo‘lganlar haqida hozircha ma’lumot yo‘q.Foto: Reuters
Xarkov aholisi vakili supermarketda qutidagi yozuvni fonar yoqib o‘qimoqda.Foto: Reuters
Xarkov viloyatining Korobochkino qishlog‘ida yashovchi fuqaro o‘tin yoraypti, chunki Rossiya hujumi oqibatida qishloqda elektr va gaz uzilgan. Korobochkino Xarkovdan 50 kilometr janubi-sharqda joylashgan.Foto: Reuters
Korobochkino aholisi vakili uyi atrofida.Foto: Reuters
Izoh (0)