“Rollarni rad etganing uchun rahmat”. Kristian Beyl Leonardo Di Kaprio uning karyerasiga qanday ta’sir o‘tkazganini gapirib berdi

“Oskar” mukofoti sovrindori Kristian Beyl GQ nashrining yangi sonida Gollivuddagi rollari uchun Leonardo Di Kaprioga minnatdorchilik bildirdi, deb yozadi “Film.ru”.

Beylning so‘zlariga ko‘ra, u muvaffaqiyatga faqat Di Kaprio voz kechgandan keyin unga o‘tgan filmlar tufayli erishgan. Ular orasida Beylni mashhur qilgan “Amerikalik psixopat” ham bor.

“Agar kimdir rol olayotgan bo‘lsa, bu faqat u rollarni oldindan rad etgani uchundir. Men bir necha marta hamkorlikda ishlagan odamlarning aksariyati birinchi navbatda Leoga rol taklif qilgan. Shuning uchun ham unga rahmat. Chunki u suratga tushishda o‘ziga ma’qul kelganini tanlashi mumkin va bu yaxshi, uning o‘zi esa ajoyib”, — deydi Beyl.

Shuningdek, Beyl Di Kaprioga nisbatan gina saqlamasligini ham ta’kidladi: “Men u kabi o‘ynay olmayman. Menimcha, Leoning deyarli barcha Gollivuddagi tengdoshlari o‘zining muvaffaqiyatli karyerasi uchun unga qarzdor”.

Esatib o‘tamiz, Beyl ishtirokidagi “Amsterdam” nomli yangi kartina tez kunlarda AQSHda namoyish etiladi.