«Ролларни рад этганинг учун раҳмат». Кристиан Бэйл Леонардо Ди Каприо унинг карьерасига қандай таъсир ўтказганини гапириб берди

«Оскар» мукофоти совриндори Кристиан Бэйл ГҚ нашрининг янги сонида Голливуддаги роллари учун Леонардо Ди Каприога миннатдорчилик билдирди, деб ёзади «Фильм.ru».

Бэйлнинг сўзларига кўра, у муваффақиятга фақат Ди Каприо воз кечгандан кейин унга ўтган фильмлар туфайли эришган. Улар орасида Бэйлни машҳур қилган «Америкалик психопат» ҳам бор.

«Агар кимдир рол олаётган бўлса, бу фақат у ролларни олдиндан рад этгани учундир. Мен бир неча марта ҳамкорликда ишлаган одамларнинг аксарияти биринчи навбатда Леога рол таклиф қилган. Шунинг учун ҳам унга раҳмат. Чунки у суратга тушишда ўзига маъқул келганини танлаши мумкин ва бу яхши, унинг ўзи эса ажойиб», — дейди Бэйл.

Шунингдек, Бэйл Ди Каприога нисбатан гина сақламаслигини ҳам таъкидлади: «Мен у каби ўйнай олмайман. Менимча, Леонинг деярли барча Голливуддаги тенгдошлари ўзининг муваффақиятли карьераси учун унга қарздор».

Эсатиб ўтамиз, Бэйл иштирокидаги «Амстердам» номли янги картина тез кунларда АҚШда намойиш этилади.