Golden Boy—2022 sovrini uchun nomzodlar qisqartirilgan ro‘yxati ma’lum bo‘ldi.
Tuttosport nashri Yevropaning 21 yoshdan katta bo‘lmagan eng yaxshi futbolchisi nomiga da’vogar 20 nafar o‘yinchining ro‘yxatini e’lon qildi.
Nomzodlar qatoridan Karim Adeyemi, Jud Bellinghem (ikkalasi ham “Borussiya D”), Eduardo Kamavinga (“Real”), Pedri, Ansu Fati, Gavi (barchasi “Barselona”), Antoniu Silva (“Benfika”), Fabiu Karvalyu (“Liverpul”), Uilfred Nyonto (“Lids”), Yoshko Gvardiol (Leypsig), Jamal Musiala, Matis Tel, Rayan Gravenberx (barchasi “Bavariya”), Fabio Miretti (“Yuventus”), Niko Gonsales (“Valensiya”), Nunu Mundesh (“PSJ”), Jorjio Skalvini (“Atalanta”), Nikola Zalevskiy (“Roma”), Benyamen Sheshko (“Zalsburg”) va Iyenoma Destini Udogie (Udineze).
Eslatib o‘tamiz, 2021-yilgi Golden Boy sovrinini “Barselona” yarim himoyachisi Pedri qo‘lga kiritgandi. 2020-yilda “Borussiya D” hujumchisi Erling Holand ushbu nomga loyiq ko‘rilgan.
Izoh (0)