Kuvaytda 18 yoshgacha bo‘lgan sportchilar o‘rtasida yengil atletika bo‘yicha Osiyo chempionati 13-oktabr kuni start oldi.
Musobaqaning dastlabki kunida Sharifa Davronova uzunlikka sakrash bahslarida eng yaxshi natijani qayd etib, oltin medalga ega chiqdi. O‘zbekistonlik sportchi 6,06 metr natija qayd etgan holda, shaxsiy rekordini yangiladi.
Mazkur yo‘nalishda ishtirok etgan yana bir O‘zbekiston vakili Xushnoza Shavkatova 5,78 metr natija bilan to‘rtinchi o‘rindan joy oldi.
Qayd etish kerak, Sharifa Davronova avgust oyida uch hatlab sakrash bo‘yicha yoshlar o‘rtasidagi jahon chempioniga aylangandi.
Osiyo chempionati 16-oktabrga qadar davom etadi.
Izoh (0)