Menni Pakyao va janubiy koreyalik bloger o‘rtasidagi ko‘rgazmali jang sanasi va manzili aniq bo‘ldi

Sakkiz vazn toifasida sobiq jahon chempioni Menni Pakyao janubiy koreyalik bloger Di Key Yo (DK Yoo) bilan ko‘rgazmali jangda ishtirok etadi.

Pakyao va Di Key Yo o‘rtasidagi jang 10-dekabr sanasida Triller Fight Club maydonida bo‘lib o‘tadi.

43 yoshli Pakyao 2021-yilda WBC kamari uchun Yordenis Ugasga qarshi jangda mag‘lub bo‘lganidan so‘ng faoliyatini yakunlagan edi. Joriy yilning may oyida bo‘lib o‘tgan prezidentlik saylovlarida Menni uchinchi o‘rinni egalladi va Filippin Senatidagi o‘z lavozimidan ayrildi.

Menni ilk bor 1995-yil yanvar oyida Edmund Entingga qarshi professional ringda debyutini o‘tkazgan. O‘sha jangda Pakyao hakamlar qaroriga ko‘ra g‘alaba qozongan. Uning hisobida 62 ta g‘alaba (39 tasi nokaut), 8 ta mag‘lubiyat va 2 ta durang mavjud.