Toshkent viloyatidagi nazoratdagi ijtimoiy soha obyektlarining yarmidan ko‘pi berilgan majburiy ko‘rsatmalarni bajarmagan. Bu haqda, bugun, 13-oktyabr kuni bo‘lib o‘tgan O‘zbekistonni barqaror rivojlantirish sohasidagi milliy maqsadlar va vazifalarning 2030-yilgacha bo‘lgan davrda amalga oshirilishini nazorat qilish bo‘yicha Parlament komissiyasi yig‘ilishida senator Boriy Alixanov ma’lum qildi.
Anjumanda Parlament komissiyasi a’zosi Boriy Alixanov aniqlangan chiqindilar va ularni qayta ishlash borasidagi muammolarga to‘xtalib o‘tdi:
Viloyatlardagi mavjud chiqindi poligonlarining aksariyati sanitar - ekologik talablarga javob bermaydi. Bir nechta poligonlarda dizbaryerlar mavjud emas. Shuningdek, sanitar-epidemiologik xavfsizlikni ta’minlash uchun ularning atroflari o‘ralmagan, yong‘indan saqlanish choralari ko‘rilmaganligi sababli poligonlarda ko‘plab yong‘inlar sodir bo‘lmoqda.Qo‘shimcha qilinishicha, chiqindilarni boshqarish bo‘yicha davlat ekologik nazorati samaradorligini ta’minlash ham yetarli darajada emas. Jumladan, joriy yilning 9 oy holati bo‘yicha belgilangan jarimalarning undirilish ko‘rsatkichi Toshkent viloyati bo‘yicha 54 foizni, Buxoro viloyati bo‘yicha esa 60 foizni tashkil etdi. Toshkent viloyatidagi nazoratdagi 2 ming 689 ta ijtimoiy soha obyektlaridan 1 ming 542 tasi berilgan majburiy ko‘rsatmalarni bajarmagan. Buxoro viloyati bo‘yicha esa bu ko‘rsatkich mutanosib ravishda 1 ming 135 ta va 960 tani tashkil etadi.hududlarda qurilish, ishlab chiqarish, tibbiy va boshqa zararli chiqindilarni to‘plash, saralash, chuqur qayta ishlash va utilizatsiya qilish ishlari umuman talabga javob bermaydi. Shu tufayli ushbu chiqindilarning aksariyati maishiy chiqindi poligonlariga joylashtirilmoqda.
Hududlarda sanitar-epidemiologik osoyishtalikni ta’minlash uchun tibbiyot chiqindilarini alohida to‘plash va utilizatsiya qilish masalasi to‘laqonli hal etilmagan.
Viloyatlardagi ayrim shifoxona va boshqa tibbiyot muassasalarida tibbiy biologik va patologoanatomik chiqindilarni zararsizlantiradigan va ko‘madigan maxsus o‘ralar talab darajasida tashkil etilmagan.
Tibbiyot muassasalarida hosil bo‘ladigan radiologik chiqindilar, jumladan rentgen xonalarda hosil bo‘ladigan reagentlar, plyonkalar, termometrlar va boshqa zararli chiqindilarni belgilangan tartibda yo‘q qilishga ixtisoslashgan shoxobchalar tashkil etilmagan.
Tibbiyot tashkilotlarining xarajatlar smetasida bunday chiqindilarni utilizatsiya qilish uchun mablag‘lar ko‘zda tutilmagan.
Hududlarda qurilish chiqindilarini alohida to‘plash, qayta ishlash va joylashtirish ishlari ham talabga javob bermaydi.
Viloyatlarda 2022-yilga qadar qurilish chiqindilari poligonlari tashkil etilmaganligi, Arxitektura-shaharsozlik kengashi xulosalarida turar-joy binolari qurilishi uchun ajratilgan yer maydonlari tarkibida chiqindilarni vaqtincha joylashtirish maydonchalari qurilishi ko‘zda tutilmaganligi sababli nazorat idoralariga aholi murojaatlari ortgan".
Avvalroq, Buxoro va Toshkent viloyatlari aholisining chiqindidan 70 milliard so‘m debitor qarzdorligi borligi haqida xabar berilgan edi.
Izoh (0)