O‘zbekistonning shimoliy hududlaridan boshqa barcha hududlarda 18-oktabr kuni yog‘ingarchilik bo‘lishi prognoz qilinmoqda.
“O‘zgidromet”ning 15—18-oktabr kunlari uchun ishlab chiqqan prognoz xabariga ko‘ra, 18-oktabr, seshanba kuni Buxoro, Navoiy, Samarqand, Jizzax, Sirdaryo, Toshkent, janubiy viloyatlar (Surxondaryo va Qashqadaryo) hamda Farg‘ona vodiy viloyatlarida yog‘ingarchilik kutiladi.
Iqlimshunos Erkin Abdulahatovning yozishicha, mazkur yog‘inlarni Kavkaz hududlaridan kelishi kutilayotgan nam havo oqimlari mintaqaga olib keladi. Oqim haroratni biroz pasaytiradi, ammo keskin sovishni keltirib chiqarmaydi. Tog‘larda esa hozirgi mavsumiy haroratdan kelib chiqib, qor yog‘ishi mumkin.
“Uzoq muddat davom etgan yog‘ingarchiliksiz kunlar ketidan, mazkur nam oqim joylarda ochiq sirt yuzalarida turgan chang zarrachalarini yuvadi”, — deydi mutaxassis.
Izoh (0)