O‘zbekistonda nogironligi bo‘lgan shaxslarni kasb-hunarga o‘rgatuvchi “Imkoniyatlar markazi” tashkil etiladi. Bu haqda “Daryo”ga Bandlik va mehnat munosabatlari vazirligi xabar berdi.
Vazirlik axborot xizmati rahbari Mavjuda Mirzayevaning qo‘shimcha qilishicha, bu haqda prezident qarori qabul qilingan.Prezidentimizning “Nogironligi bo‘lgan shaxslar jamiyatlariga tegishli tashkilotlarni davlat tomonidan qo‘llab-quvvatlash hamda nogironligi bo‘lgan shaxslarning bandligiga ko‘maklashishga oid qo‘shimcha chora-tadbirlar to‘g‘risida”gi qaroriga ko‘ra, yagona ishtirokchisi nogironligi bo‘lgan shaxslarning jamoat birlashmalari hisoblangan yuridik shaxslar ishlab chiqarayotgan mahsulotlarning ko‘rgazma yarmarkasi doimiy tarzda o‘tkaziladi.Ma’lum bo‘lishicha, 2023-yil 1-yanvardan boshlab davlat xaridlari doirasida tegishli tashkilotlar xarid predmeti hajmining kamida 10 foizi miqdorida o‘z hududida reyestrga kiritilgan korxonalar ishlab chiqargan tovarlarni sotib oladi.Shuningdek, mahsulotlarning hajmi va texnik parametrlari to‘g‘risidagi axborotlar 2022-yil 15-noyabrga qadar elektron kooperasiya portaliga joylashtiriladi. 2023-yil 1-yanvarga qadar esa yagona reyestri yuritilishi tashkil etiladi, — deydi vazirlik axborot xizmati rahbari Mavjuda Mirzayeva.
2022-yil davomida tajriba tariqasida Nukus va Toshkent shaharlari hamda 2023-yildan boshlab qolgan hududlarda “Imkoniyatlar markazi” faoliyati tashkil etiladi. Markaz nogironligi bo‘lgan shaxslarning huquqlari va qonuniy manfaatlarini himoya qilish maydoni sifatida faoliyat yuritadi. Shuningdek, bunday shaxslarning qiziqishidan kelib chiqqan holda kasb-hunarga o‘qitishga ko‘maklashadi, — deydi Mirzayeva xonim.
Izoh (0)