Shavkat Mirziyoyev Pokiston bosh vaziri bilan Termiz–Mozori-Sharif–Kobul–Peshovar temiryo‘li qurilishini batafsil muhokama qildi (foto)

Qozog‘istonning Ostona shahrida o‘tayotgan Osiyoda hamkorlik va ishonch choralari bo‘yicha kengash sammiti doirasida Shavkat Mirziyoyev Pokiston bosh vaziri Shahboz Sharif boshchiligidagi delegatsiya bilan muzokara o‘tkazdi. Bu haqda prezident matbuot xizmati xabar berdi.

Qayd etilishicha, avval erishilgan kelishuvlarga muvofiq ikki mamlakat o‘rtasidagi amaliy hamkorlikni kengaytirish masalalari ko‘rib chiqildi.

O‘zbekiston va Pokiston yetakchilari savdo-iqtisodiyot, investitsiya, innovatsiya, transport-kommunikatsiya va madaniy-gumanitar sohalardagi o‘zaro manfaatli hamkorlik uchun mavjud salohiyat va keng imkoniyatlardan samarali foydalanish muhimligini qayd etdi.

Afg‘onistonda tinchlik jarayoniga va ijtimoiy-iqtisodiy tiklanishga ko‘maklashish maqsadida Termiz–Mozori-Sharif–Kobul–Peshovar temiryo‘lini qurish bo‘yicha strategik loyihani amalga oshirish istiqbollari batafsil muhokama qilindi.

Mavzuga doir: 

• Samarqand sammitiga tayyorgarlik ko‘rishda Turkiy davlatlar tashkiloti bosh kotibiyati bilan hamkorlik qilishga kelishildi
• O‘zbekiston—Eron o‘rtasida soddalashtirilgan viza rejimi joriy etildi