“Sabotaj”ning davomi: Germaniya neft sizib chiqayotgan “Drujba” quvuridan yonilg‘i olishda davom etmoqda

Germaniya Iqtisodiyot vazirligining ma’lum qilishicha, mamlakatdagi ikkita asosiy neftni qayta ishlash zavodi liniyalaridan birida neft sizib ketganiga qaramay, “Drujba” quvuri orqali neft olishda davom etmoqda. Bu haqda “Kommersant” xabar berdi.

Polshaning Pern operatoriga ko‘ra, neft sizib chiqish hodisasi Germaniyaga xom neft yetkazib beriladigan “Drujba” liniyasida sodir bo‘lgan.

Shvedt va Leunadagi ikkala neftni qayta ishlash zavodlari Polsha orqali “Drujba” quvuridan neft oladi, — dedi vazirlik va “ta’minot uzluksiz” davom etayotganini qo‘shimcha qildi.

Departament “Germaniyaga xomashyo yetkazib berishning ishonchliligi kafolatlangan” deb ishontirildi.

Reuters ma’lumotlariga ko‘ra, shikastlangan quvurning umumiy eksport quvvati yiliga 27 million tonna xom neftni tashkil etadi.

Oxirgi oylarda ushbu quvur orqali 2 million tonnaga yaqin yoki kuniga 490 ming barrel neft yetkazib berilgan.

Berlinni 90 foiz yoqilg‘i bilan ta’minlovchi Germaniyaga yetkazib berilgan neftning asosiy qismi Shvedtdagi neftni qayta ishlash zavodidan keladi.

“Drujba” uglevodorodlarni tashish bo‘yicha dunyodagi eng yirik quvur bo‘lib, uning uzunligi 8900 km, quvvati yiliga 66,5 million tonnani tashkil etadi.

U 46 nasos stansiyasi va 38 oraliq nasos stansiyasini o‘z ichiga oladi, ularning rezervuarlari 1,5 million kub metr neft sig‘dira oladi.

Uning shimoliy tarmog‘i Polsha va Germaniyaga, janubiy tarmog‘i Slovakiya, Vengriya va Chexiyaga boradi.

Pernning so‘zlariga ko‘ra, “Drujba”da neft sizib chiqishi 11-oktabr kuni kechqurun aniqlangan. Polsha energetika infratuzilmasi rahbari Mateush Berger voqeani “sabotaj” deb hisoblamaydi.

Serbiya konchilik va energetika vaziri Zorana Mixaylovich, aksincha, “Drujba”dagi avariyani “Shimoliy oqim”dagi sabotajning davomi deb atadi.

26-sentyabr kuni Germaniyaga boradigan “Shimoliy oqim”da bosim keskin pasaydi. Shvetsiya hodisaga sabab sifatida portlashlarni ko‘rsatdi.

Portlashlarga kimlar aloqadorligi aniqlanmagan. Ba’zi G‘arb davlatlari, jumladan, Buyuk Britaniya, Germaniya, Polsha Rossiyadan gumon qilmoqda.

Mavzuga doir: 

• “Shimoliy oqim” bayonotidan so‘ng Yevropada gaz narxi yana keskin ko‘tarila boshladi;
• “Shimoliy oqim” gaz quvurlariga zarar yetganidan keyin, xalqaro terrorizm haqida ish qo‘zg‘atildi;
• Shvetsiya “Shimoliy oqim”da “jiddiy sabotaj” alomatlari borligini aniqladi.