Boy va kambag‘al mamlakatlar o‘rtasidagi hayot sifatidagi nomutanosiblik COVID-19 pandemiyasi davrida yomonlashdi. G‘arbdan qarz olgan rivojlanayotgan mamlakatlar endi sog‘liqni saqlashga qaraganda qarzni to‘lash uchun to‘rt baravar ko‘p mablag‘ sarflamoqda. Bu haqda The Guardian nashri xabar berdi.
Nashr iqtibos keltirgan Oxfam xalqaro xayriya va gumanitar tashkilot hisobotiga ko‘ra, ko‘plab rivojlanayotgan mamlakatlar sog‘liqni saqlash sohasidagi favqulodda vaziyatga qaramay, ijtimoiy xarajatlarni qisqartirgan.
Bunga ular G‘arb mamlakatlari kreditorlari oldidagi qarzlarini to‘lash uchun ko‘proq mablag‘ ajratishga majbur bo‘lishgani sabab bo‘lmoqda.
Kam daromadli mamlakatlar o‘z budjetlarining qariyb 27,5 foizini qarzni to‘lashga sarflaydi, bu ular ta’limga sarflagan mablag‘dan ikki baravar va sog‘liqni saqlashga sarflagan mablag‘dan to‘rt barobar ko‘p, — deyiladi hujjatda.
Bundan tashqari, Diamond Flower Inc (DFI) tadqiqot tashkiloti vakili Metyu Martinning so‘zlariga ko‘ra, Sog'liqni saqlashga sarflangan har bir dollar uchun rivojlanayotgan mamlakatlarda boy mamlakatlar kreditorlari oldidagi qarzni to‘lashda to‘rt dollar to‘g‘ri keladi.
Koronavirus pandemiyasi oqibatlarini bartaraf etish choralarini ishlab chiqish o‘rniga, eng kambag'al davlatlar davlat xarajatlarini keskin qisqartirish va ijtimoiy nafaqalarni muzlatish orqali o‘z qarzlarini to‘lashga majbur bo‘lmoqda.
Rivojlanayotgan mamlakatlarning to‘rtdan uch qismi kelgusi besh yil ichida davlat xarajatlarini jami 7,8 trillion dollarga qisqartirishni rejalashtirmoqda, shu sababli global tengsizlik yanada kuchayishda davom etadi.
Izoh (0)