“O‘zbekiston Fuqarolik kodeksining 248-moddasiga o‘zgartish kiritish to‘g‘risida”gi qonuni loyihasi ishlab chiqilib, u muhokama uchun joylashtirildi. Bu haqda Markaziy bank xabar bermoqda.
Mazkur loyiha Fuqarolik kodeksi bilan belgilab qo‘yilgan pul majburiyatlari bo‘yicha talablarni qondirish navbatiga doir normalarga tegishli o‘zgartishlar kiritilishini nazarda tutadi.
Amaliyotga ko‘ra, fuqarolarning amaldagi mikroqarz yoki kredit shartnomalariga asosan amalga oshirilayotgan to‘lov summalari pul majburiyatlarini to‘liq qoplash uchun yetarli bo‘lmasa, ijroni olishga qaratilgan chiqimlar, hisoblangan foizlar, so‘ngra qarzning asosiy qismiga yo‘naltiriladi.
Taklif etilayotgan o‘zgartirishlar bilan jismoniy shaxslarga ajratilgan mikroqarz yoki kredit bo‘yicha amalga oshirilayotgan to‘lov summalari uni to‘liq qoplash uchun yetarli bo‘lmasa, birinchi navbatda, asosiy qarzning qaytarilishiga erishiladi.
Bu esa o‘z navbatida, qarz oluvchini qarzini to‘lashi uchun rag‘batlantirishga, ularning qarz yukini kamaytirishga va eng asosiysi, fuqarolarning kredit to‘lovlarini to‘lashini yengillashtirishga xizmat qiladi.
Izoh (0)