«Туркистонбанк»да 339 млрд, Hi-Tech Bank’да эса 5 млрд сўм омонатлар бўлган. Банклар фаолияти нега тўхтатилди?

«Туркистонбанк» ва Hi-Tech Bank фаолияти нега тўхтатилганига изоҳ берилди. Бу ҳақда ЎзА хабар берди. 

Ҳар икки банк узоқ муддатдан буён банк қонунчилиги бўйича меъёрлар ва пруденсиал талабларни муттасил бузиб келган. Мазкур банкларнинг лицензиясини чақириб олишга асос сифатида «Банклар ва банк фаолияти тўғрисида»ги қонуннинг 54 моддасида кўрсатилган қўпол камчиликларга йўл қўйган. Шу билан бирга 77-моддадаги асослар кузатилган.

Марказий банк департаменти директори Санжар НосировМаълум бўлишича, банкларда етарли миқдорда активларга нисбатан захиралар яратилмаган ва регулятив капиталидан 50 фоизидан ортиқ миқдорда зарар кўрган. 

Шунингдек, банклар томонидан бухгалтерия ҳисоботида қоидалар бузилган ва истеъмолчилар ҳуқуқларига қарши ҳаракатлар қилинган.

«Туркистонбанк»нинг капитали 140 миллиардни, Hi-Tech Bank капитали эса 90 миллиардни ташкил этади. 

Айни пайтда банклар учун устав капиталига нисбатан 100 миллиард талаб бор. 

«Туркистонбанк»да 117 миллиард устав капитали бўлган. Hi-Tech Bank’да 116 миллиард устав капитали шакллантирилган. 

Банклар зарар кўргани учун умумий капитали устав капиталидан камроқ миқдорни ташкил қилган. 

Бугунги кунда «Туркистонбанк»да аҳолининг 339 миллиард сўм, Hi-Tech Bank’да эса 5 миллиард сўмлик омонатлари бор.  

Юқоридаги икки банк омонатчиларининг барча маблағлари 2 ойдан сўнг биринчи навбатда тўлиқ қайтарилади.

Лицензияси чақириб олинаётган юқоридаги икки банк омонатчилари ўзларини хотиржам ҳис қилишлари мумкин, — деди Марказий банк расмийси.

Аввалроқ Ўзбекистонда банклар устав капиталининг энг кам миқдорини ошириш таклиф қилинаётгани ҳақида хабар берилган эди.