Farg‘ona viloyatida 8-oktabr, shanba kuni “Save Aral—2022” xayriya ommaviy yugurish musobaqalarining yakunlovchi seriyasi bo‘lib o‘tdi.
Qo‘qon shahrida “Save Aral—2022” va “O‘zbekneftgaz” AJ boshqaruv raisi Kubogi o‘yinlarining so‘nggi bosqichi o‘tkazildi. 2022-yil hisobida loyihada 50 mingga yaqin yugurish bo‘yicha havaskorlar, sport jamiyatlari vakillari va professional sportchilar ishtirok etdi.
Keng jamoatchilik fikrini Orol dengizi atrofidagi ekologik muammoga va Orolbo‘yi mintaqasini qayta tiklashga jalb qilish “Save Aral” xayriya ommaviy yugurish musobaqalarining asosiy g‘oyasiga aylandi. Tashkilotchilar tomonidan Farg‘ona vodiysi bo‘ylab To‘raqo‘rg‘on, Shahrixon, Marg‘ilon va Qo‘qon shaharlarida 4 ta ommaviy yugurish musobaqasini o‘tkazish qarori qabul qilindi. Har bir shaharda yugurish musobaqasiga 3 mingdan ziyod yuguruvchilar qo‘shildi. Namangan, Andijon va Farg‘ona viloyatlari hokimiyatlarining rahbarlari va xodimlari sog‘lom turmush tarzini faol qo‘llab-quvvatlab, mahalliy aholiga o‘rnak bo‘lgan holda, har yili ommaviy sport tadbirlarida ishtirok etmoqda.
2022-yil O‘zbekistonning 16 ta shahrida minglab fuqarolar “Save Aral – 2022” loyihasi doirasida Orol dengizini qutqarish va millat salomatligini mustahkamlash yo‘lida qadam bosdi.
“Save Aral” ommaviy yugurish musobaqalari O‘zbekiston Respublikasi Yengil atletika federatsiyasi va “O‘zbekneftgaz” AJ rahbarligida, Sportni rivojlantirish vazirligi, Milliy Olimpiya qo‘mitasi va hududiy hokimiyatlarning keng ko‘magida o‘tkaziladi.
Izoh (0)