Швеция Давлат хавфсизлик хизмати (СЭПО) Болтиқ денгизидаги «Шимолий оқим» ва «Шимолий оқим 2» газ қувурларида содир бўлган авариялар жойида текширувни якунлади. Бу ҳақда «РБК» хабар бермоқда.
Текширув жиддий саботаж гумонларини кучайтирди, — дейилади СЭПО баёнотида.
Воқеа жойини кўздан кечириб, хизмат Швециянинг эксклюзив иқтисодий зонасидаги газ қувурларида портлашлар содир бўлган, бу қувурларга жиддий шикаст етказган, деган хулосага келди.
Иккала «Шимолий оқим»да ҳам авариялар сентябр ойи охирида содир бўлган. Швеция ва Дания сейсмологлари кучли портлашлар ҳақида хабар берган.
«Газпром» қувурларга мисли кўрилмаган зарар етказилганини эълон қилди. Газнинг сизиб чиқиши 3 октябрда тўлиқ тўхтади.
Швеция ва Дания Германия иштирокидаги ҳодиса юзасидан тергов олиб бормоқда.
Бу давлатлар раҳбарлари аввалроқ ушбу ҳодисалар қасддан қилинган ҳаракатлар натижасида содир бўлган деб тахмин қилганди.
Россия расмийлари газ қувурларини йўқ қилиш АҚШ учун фойдали бўлган деб ҳисобламоқда. Президент Владимир Путин эса воқеада «англосакслар»ни айблади.
Гарчи улар бунга алоқадор эмаслиги ҳақида маълумотлар келиб тушаётган бўлса-да, Россия бир неча бор аварияларни текширишни мамлакат иштирокисиз амалга ошириш мумкин эмаслигини таъкидлаган.
Изоҳ (0)