“Nasaf” 21 yil deganda ilk bor “Paxtakor”ni safarda mag‘lub etdi
“Nasaf” Superliga 20-turi doirasida kechgan “Paxtakor”ga qarshi o‘yinda 1:0 hisobida g‘alaba qozondi.
Qarshiliklar O‘zbekiston chempionati doirasida 21 yil deganda ilk bor Toshkentda “Paxtakor”ni mag‘lub etdi.
Bundan avval oxirgi marta 2001-yilning mart oyida “Nasaf” safarda “Paxtakor”ni mag‘lub etgandi (2:0). O‘shandan keyingi 21 yil ichida jamoalarning o‘zaro o‘yinlarida “Paxtakor” 17 marta g‘alaba qozongan bo‘lsa, uchta o‘yinda durang qayd etilgan.
2022-yilgi mavsumda “Nasaf” Toshkent jamoalariga qarshi uchta safar o‘yinini g‘alaba bilan yakunladi. Bundan avval “Lokomotiv” (1:0) va “Bunyodkor” (4:1) mag‘lub etilgandi. Qarshiliklarning poytaxt klubiga qarshi keyingi o‘yini so‘nggi turda “Olimpik”ka qarshi bo‘ladi.
“Nasaf” 20 turda 41 ochko to‘plab, peshqadam bo‘lib turibdi va eng yaqin ta’qibchisi “Paxtakor”ni uch ochkoga ortda qoldirmoqda.
Mavzuga doir:
- Maksim Shatskix: “Nasaf” g‘alabani ko‘proq xohladi, biz bu borada yutqazdik
- Ro‘ziqul Berdiyev: “Paxtakor”ning 4 futbolchisiga qarshi personal o‘ynadik, raqibga vaziyat yaratish imkonini bermadik
