«Насаф» Суперлига 20-тури доирасида кечган «Пахтакор»га қарши ўйинда 1:0 ҳисобида ғалаба қозонди.
Қаршиликлар Ўзбекистон чемпионати доирасида 21 йил деганда илк бор Тошкентда «Пахтакор»ни мағлуб этди.
Бундан аввал охирги марта 2001 йилнинг март ойида «Насаф» сафарда «Пахтакор»ни мағлуб этганди (2:0). Ўшандан кейинги 21 йил ичида жамоаларнинг ўзаро ўйинларида «Пахтакор» 17 марта ғалаба қозонган бўлса, учта ўйинда дуранг қайд этилган.
2022 йилги мавсумда «Насаф» Тошкент жамоаларига қарши учта сафар ўйинини ғалаба билан якунлади. Бундан аввал «Локомотив» (1:0) ва «Бунёдкор» (4:1) мағлуб этилганди. Қаршиликларнинг пойтахт клубига қарши кейинги ўйини сўнгги турда «Олимпик»ка қарши бўлади.
«Насаф» 20 турда 41 очко тўплаб, пешқадам бўлиб турибди ва энг яқин таъқибчиси «Пахтакор»ни уч очкога ортда қолдирмоқда.
Мавзуга доир:
Изоҳ (0)