“Vatandoshlar” jamoat fondi hamda Tashqi mehnat migratsiyasi agentligi xodimlaridan iborat O‘zbekiston delegatsiyasining Janubiy Koreyaga amaliy tashrifi doirasida Chungchon-pukto provinsiyasi meri Kim Yong Xvan bilan uchrashuv tashkil etildi, deya xabar bermoqda “Dunyo” axborot agentligi.
Qayd etilishicha, uchrashuvda iqtisodiyot, innovatsiyalar va turizm yo‘nalishlari bo‘yicha hamkorlik masalalari muhokama qilingan. Shuningdek, mehnat migratsiyasi bo‘yicha munosabatlar, xususan, qishloq xo‘jaligidagi mavsumiy ishlarga O‘zbekiston fuqarolarini jalb qilish istiqbollari o‘rganilgan.
Provinsiya vakillari O‘zbekiston fuqarolarini vaqtincha ishga jalb qilish bo‘yicha hamkorlik o‘rnatishdan manfaatdor ekanini bildirgan.
Uchrashuv yakunida Chungchon-pukto provinsiyasida o‘zaro manqaatli yo‘nalishlar bo‘yicha hamkorlikni rivojlantirish, ikki davlatning tegishli tashkilotlari o‘rtasida uchrashuv va tashriflar amalga oshirish, turli sohalarga O‘zbekiston fuqarolarini ishga qabul qilish bo‘yicha kelishuvga erishilgan.
Izoh (0)