O‘zbekistonda sakkiz oyda 20 yoshgacha qizlarning qanchasi nikohdan ajrashgani ma’lum qilindi

O‘zbekistonda 2022-yilning yanvar-avgust oylarida 20 yoshgacha bo‘lgan 372 nafar qiz va 8 nafar yigit nikohdan ajrashgan.

Davlat statistika qo‘mitasi dastlabki ma’lumotlariga ko‘ra, sakkiz oyda nikohdan ajrashganlar soni yosh toifasida quyidagicha bo‘lgan:

• 20—30 yosh: ayollar 15 110 nafar, erkaklar 9 147 nafar;
• 31—40 yosh ayollar 10 522 nafar, erkaklar 13 287 nafar;
• 41—50 yosh: ayollar 3 530 nafar, erkaklar 5 093 nafar;
• 51 yosh va undan kattalar: ayollar 3 091 nafar, erkaklar 5 090 nafar.

Farzandsiz oilalar soni 9517 tani, bir nafar farzandi bilan ajrashgan oilalar soni 15 421 tani, ikki nafar farzandi bilan ajrashganlar 5780 tani, uch nafar farzandi bilan ajrashgan oilalar soni esa 1619 tani tashkil qilgan.

So‘nggi ma’lumotlarga ko‘ra, ajralishlar soni Toshkent shahrida eng ko‘p qayd etilmoqda.

Mavzuga doir: O‘zbekistonda qizlar ko‘proq necha yoshdan turmushga chiqmoqda?