Shavkat Mirziyoyev AQSHda kuchli to‘fon oqibatida ko‘plab insonlar qurbon bo‘lgani munosabati bilan Jo Baydenga ta’ziya yo‘lladi

Shavkat Mirziyoyev AQSHning janubi-sharqiy shtatlarida yuz bergan kuchli “Ien” to‘foni oqibatida ko‘plab insonlar qurbon bo‘lgani va jiddiy talafotlar ko‘rilgani munosabati bilan prezident Jozef Baydenga ta’ziya yo‘lladi.

“Davlatimiz rahbari halok bo‘lganlarning oila a’zolari va yaqinlariga hamdardlik bildirib, jarohat olganlar tez fursatda sog‘ayib ketishini tiladi”, — deb yozmoqda prezident matbuot kotibi Sherzod Asadov.

AQSHning Sharqiy sohillariga yopirilgan “Ien” dovuli Florida va Shimoliy Karolina shtatlarida 77 kishining umriga zomin bo‘ldi, o‘n mingdan ortiq odam bedarak yo‘qolgan deb hisoblanilmoqda. Hukumatning fikricha, ularning ko‘pchiligi pana joylarga yashiringan yoki elektr ta’minoti bilan bog‘liq muammolar tufayli aloqaga chiqa olmayapti.