Bugun,

  • USD 11095.31
  • RUB 173.84
  • EUR 10772.44

Rossiya prezidenti Vladimir Putin Federal xavfsizlik xizmati qarshiligiga qaramasdan, “azovchilar”ni ayirboshlashga rozi bo‘lgan, chunki, o‘zining “cho‘qintirgan otasi” Medvedchukni Ukrainadan qaytarib olishni juda xohlagan, deb xabar bermoqda The Washington Post.

Medvedchuk va Putin Sankt-Peterburgda, 2019-yil, iyul

Medvedchuk va Putin Sankt-Peterburgda, 2019-yil, iyul
Foto: Kreml

Nashr Ukraina razvedkasidan olingan ma’lumotlarga tayanib yozishicha, asirlar bilan ayirboshlashuv haqidagi bitim ikki oy davom etgan muzokaralar chog‘ida bir necha marta keyinga qoldirilgan. Biroq Putin ayirboshlashni talab qilib turib olgan.

“Putin o‘zining qadrdon do‘sti va Ukrainadagi uzoq muddatli vositachilaridan biri Medvedchukni Mariupol qahramonlariga almashtirishga qaror qilgani ibratlidir. Ukrainada ushbu qahramon jangchilarning uyga qaytganiga juda xursand bo‘lishgan bo‘lsa, Moskvada qattiq norozi bo‘lishdi”, — deya nashr AQSH Davlat departamentining yuqori mansabli xodimi gaplarini keltirib o‘tdi.

Eslatib o‘tamiz, 21-sentabr kuni ssirlar bilan ayirboshlashuv doirasida Kiyev Moskvaga siyosatchi Viktor Medvedchukni va 55 nafar rossiyalik harbiylarni topshirgandi.

Medvedchuk 215 nafar ukrain harbiylari, shu jumladan, Mariupoldagi “Azovstal” zavodi himoyachilari va “Azov” polki qo‘mondonligiga almashtirilgan. Shuningdek, Ukraina tomonida jang qilib, asirlikka tushgan o‘n nafar chet ellik ham qaytarilgan.

Shundan keyin Checheniston yetakchisi Ramzan Qodirov Rossiya va Ukraina o‘rtasida bo‘lib o‘tgan asirlar almashinuvidan norozi ekanini ma’lum qildi.

“Muxolifat platformasi – hayot uchun” partiyasi rahbari Viktor Medvedchuk rossiyaparast siyosatchi sifatida tanilgan. OAV uni “Vladimir Putinning qadrdoni” deb ataydi.

2021-yilda Ukraina huquq-tartibot idoralari Medvedchukka davlatga xiyonat va “milliy boyliklarni talon-taroj qilishga urinish” bo‘yicha ikkita ayblov qo‘ydi. Medvedchuk uy qamog‘iga olingan, xabarlarga ko‘ra, u Rossiya Ukrainaga bostirib kirgan dastlabki kunlarda qochib ketgan. 12-aprel kuni Ukraina rasmiylari Medvedchuk hibsga olingani haqida ma’lum qildi.

Medvedchuk almashinuv doirasida Rossiya tomoniga o‘tkazilishi mumkinligi haqida takliflar bor edi, ammo shu paytgacha bu amalga oshmagandi.

Izoh
Asosiy yangiliklar
Mahalliy
Rossiya bosh vaziri Mishustin O‘zbekistonga keldi (foto)
Dunyo
“Daryo” kundaligida 1-dekabrda sodir bo‘lgan eng muhim voqealar
Dunyo
Eronda mamlakat terma jamoasining JChdagi mag‘lubiyatini nishonlagan yigit otib o‘ldirildi