Shimoliy Koreya ikkita qisqa masofali ballistik raketa uchirdi. Yonhap agentligining Janubiy Koreya shtab boshliqlariga tayanib xabar berishicha, bu KXDRning bir haftadan kamroq vaqt ichida to‘rtinchi marta raketa uchirishi.
Janubiy Koreya harbiylaridagi ma’lumotlariga ko‘ra, raketalar Pxenyandagi Sunan tumanidan soat 06:45 (Toshkent vaqti bilan 2:45) hamda 07:03 oralig‘ida uchirilgani aniqlangan.
Raketalar Yaponiyaning eksklyuziv iqtisodiy zonasidan tashqariga tushgan bo‘lishi mumkin, deb xabar bermoqda Kyodo. Yaponiya Mudofaa vazirligi Shimoliy Koreyaning g‘arbiy sohillari yaqinida 1-oktabr kuni taxminan soat 6:42 dan 6:58 gacha ikkita ballistik raketa uchirilganini tasdiqladi. Vazirlik ikkala raketa ham KXDR sharqiy qirg‘oqlari yaqinidagi Yaponiya eksklyuziv iqtisodiy zonasidan tashqariga tushgan deb ishonmoqda.
Pxenyan oxirgi marta 25, 28 va 29-sentabr kunlari raketa uchirgan edi. 30-sentabr, juma kuni Janubiy Koreya, AQSH va Yaponiya Yapon dengizida mashg‘ulotlar o‘tkazdi. Avvalgi kuni AQSH vitse-prezidenti Kamala Xarris Janubiy Koreyaga bir kunlik tashrif bilan kelib, mamlakat prezidenti Yun Suk Yol bilan uchrashgan va qurolsizlantirilgan hududga tashrif buyurgan edi.
25-sentabr kuni Janubiy Koreya harbiylari KXDR qisqa masofaga uchuvchi ballistik raketani uchirgani, u maksimal 60 km balandlikda 60 max tezlikda 600 km masofani bosib o‘tgani haqida xabar bergan edi.
Izoh (0)