Остонада адвокат Қозоғистон Жиноят кодексининг саккиз моддаси, жумладан, республика президенти Қосим-Жўмарт Тўқаевга суиқасд уюштиришга тайёргарлик кўриш ва давлатга хиёнат бўйича айбдор деб топилди. Маҳкумнинг исми ошкор этилмаган.
Адвокат 17 йилга озодликдан маҳрум қилинди. Қарор 28 сентябрь куни Остона жиноят ишлари бўйича ихтисослаштирилган туманлараро суди томонидан ёпиқ суд мажлисида қабул қилинган.
Адвокат, шунингдек, қуйидаги жиноятларда айбдор деб топилди:
- Евросиё иқтисодий иттифоқининг божхона чегараси орқали ўқотар қуролларни ноқонуний олиб ўтиш;
- қуролларни ноқонуний сотиб олиш ва сақлаш;
- ўқ-дориларни ноқонуний ишлаб чиқаришга ва террорчилик актига тайёргарлик кўриш;
- ҳуқуқни муҳофаза қилиш органлари ходимлари, давлат хизматчилари ва ҳарбийлар ҳаётига суиқасд уюштиришга тайёргарлик;
- гиёҳванд моддаларни ноқонуний сотиб олиш ва сақлаш.
Изоҳ (0)