Toshkent shahrida 1—2-oktabr kunlari G3 darajali 5 balli magnit bo‘ronlari bo‘lishi kutilmoqda. Bu haqda Telegram’dagi “Uzb_meteo” kanalida xabar qilindi.
Qayd etilishicha, 29—30-sentabr kunlari quyoshdagi aktiv chiqnash zonalarida siklik quyosh chaqnashlari ro‘y bermoqda. Mazkur chaqnashlar 1—2-oktabr kunlari shimoliy yarim sharning o‘rta kengliklaridan yuqori mintaqalarida 5 ballik magnit bo‘ronlarini keltirib chiqarishi prognoz qilinmoqda.
Xususan, poytaxt Toshkentda ham 1—2-oktabr kunlari 5 ballik magnit bo‘ronlari bo‘lishi prognoz qilinmoqda.
Qutbiy kengliklarda esa kishilar faol qutb yog‘dusi hodisalariga guvoh bo‘lishi mumkin.
Magnit bo‘ronlari — kompas magnit milining surilishini qo‘zg‘atuvchi Yer magnit maydonining keskin o‘zgarishi hisoblanadi. Magnit bo‘ronlari bir vaqtda Yer yuzining katta hududlarida, ba’zan butun Yer yuzida kuzatiladi. U ko‘pincha, tun vaqtiga to‘g‘ri keladi va odatda, qutbiy yog‘du, momaqaldiroq, zilzila paytida sodir bo‘ladi hamda har 11 yilda kuzatiladigan Quyosh faolligining kuchayishi davrida tez-tez takrorlanib turadi.
Izoh (0)