Farg‘onada erkak 2 nafar farzandi uchun salkam 65 mln so‘m aliment pulini oldindan to‘ladi

Farg‘ona shahrida qarzdor ota 2 nafar farzandi uchun salkam 65 million so‘m aliment pulini oldindan to‘ladi. Bu haqda Majburiy ijro byurosi Farg‘ona shahri bo‘limi xabar berdi.

Byuroning Farg‘ona shahri bo‘limi ish yurituvida FIB Farg‘ona tumanlararo sudining 2017-yildagi sud buyrug‘iga ko‘ra, qarzdor A.A.dan undiruvchi F.A.ning foydasiga 2 nafar voyaga yetmagan farzandining voyaga yetguniga qadar 1/3 qismi miqdorida aliment undirish haqidagi ijro hujjati bo‘yicha davlat ijrochisi tomonidan qarzdorga uning huquq va majburiyatlari tushuntirib kelingan.

Qarzdor A.A. 2022-yil 30-sentabr kuni undiruvchi F.A. bilan o‘zaro kelishgan holda 2 nafar farzandini 18 yoshga to‘lguniga qadar bo‘lgan davr uchun hisoblangan 64,4 million so‘m aliment pullarini oldindan to‘liq to‘ladi va undiruvchi F.A.ning arizasiga asosan ijro hujjati amalda tamomlandi.

Mavzuga doir:

• MIB xorijga chiquvchi fuqarolar uchun qarzni aeroportning o‘zida to‘lash va taqiqni yechish imkoniyatini yo‘lga qo‘ydi
• Samarqandda aliment to‘lamagan 77 nafar qarzdor ota jinoiy, 521 nafari ma’muriy javobgarlikka tortildi