O‘zbekistonda dam olish kunlari harorat yana pasayishi kutilmoqda

“O‘zgidromet” 30-sentabr—2-oktabr kunlari uchun ob-havo prognozini e’lon qildi.

Unga ko‘ra, juma kuni O‘zbekiston hududi bo‘yicha havo o‘zgarib turadi, hududning katta qismida yog‘ingarchiliksiz ob-havo saqlanib turadi. Kavkaz hududlaridan antisiklon kirib kelishida faqat Qoraqalpog‘iston bo‘yicha ba’zi joylarda biroz yomg‘ir yog‘adi. Kunduzi havo harorati 20-25 daraja atrofida bo‘ladi.

1-oktabr kuni antisiklon respublikaning barcha hududlariga tarqaladi. Toshkent viloyatida kechasi va ertalab va Farg‘ona vodiysi viloyatlarida biroz yomg‘ir yog‘adi, respublikaning tog‘oldi va tog‘li hududlarida ba’zi joylarda yomg‘ir yog‘adi, qolgan hududlarda yog‘ingarchilik kutilmaydi. Havo harorati kechasi 10-15 daraja bo‘ladi, kunduzi 21-26 darajagacha pasayadi.

2-oktabrda ham antisiklon ta’siri davom etadi. O‘zbekiston bo‘yicha quruq va salqin ob-havo bo‘lishi kutilmoqda. Kechasi harorat 8-13 darajagacha pasayadi, kunduzi 21-26 daraja atrofida bo‘ladi.

Ushbu kunlarda shimolda, janubda va cho‘l hududlarda ba’zi joylarda shamol 15-18 metr/sekundgacha kuchayishi mumkin.