Qoraqalpog‘istonning Nukus shahridagi maktablarning birida maktab o‘quvchilari o‘rtasida ommaviy mushtlashuv sodir bo‘lgani xabar berilgandi. Holat yuzasidan Qoraqalpog‘iston Respublikasi IIV matbuot kotibi Salavat Qallibekov “Daryo”ga rasmiy ma’lumot berdi.
Ma’lum qilinishicha, voqea 2022-yilning 28-sentabr kuni shahar markazidagi T.Qayipbergenov ko‘chasida joylashgan ko‘p qavatli uylar atrofida yuz bergan.
O‘zaro mushtlashuvda 37-sonli maktabning 10-, 11-sinf o‘quvchilari ishtirok etgan. Voqeaga ikki nafar o‘quvchining bir-birlari bilan tortishib qolishi sabab bo‘lgan.
Salavat Qallibekovning qo‘shimcha qilishicha, voqea oqibatida hech kimga zarar yetmagan. Ushbu holat ishtirokchilari va ularning ota-onlari Ma’muriy javobgarlik to‘g‘risidagi kodeksning 47-moddasi bilan javobgarlikka tortilgan.
Izoh (0)