O‘zbekistonda 2017–2021-yillarda 7225 nafar harbiy xizmatchi uy-joy bilan ta’minlandi. Bu haqda AOKAda Mudofaa vazirligi rahbariyati ishtirokida o‘tkazilgan matbuot anjumanida ma’lum qilindi.
Qayd etilishicha, prezidentning tegishli qarorlari bilan qabul qilingan tegishli dasturlari doirasida shu yillar davomida qurilgan uylar hisobiga 7225 nafar harbiy xizmatchi, harbiy xizmatdan rezervga bo‘shatilgan fuqarolar va ularning oila a’zolari zamonaviy va shinam turar joylar bilan ta’minlandi.
Ta’kidlanishicha, 2017-yilgacha bo‘lgan davr mobaynida Mudofaa vazirligi tizimida turar joy ta’minoti ko‘rsatkichlari yiliga 450 tadan oshmagan bo‘lsa, yuqorida qayd qilingan Davlat dasturlari asosida Toshkent shahri va respublika viloyatlari markazlarida qurilish amalga oshirilgan turar joylar hisobi yiliga o‘rtacha 1500 dan ortiq raqamlarni tashkil etmoqda.
Izoh (0)