Argentina terma jamoasi hujumchisi Lionel Messi Yamaykaga qarshi kechgan o‘rtoqlik o‘yinida (3:0) dubl qayd etdi.
“PSJ” forvardi milliy terma jamoa safidagi 89 va 90-gollarini urdi. Messi bu orqali Malayziya vakili Mohtar Daharini (89) ortda qoldirib, terma jamoalar tarixidagi eng yaxshi to‘purarlar reytingida uchinchi o‘ringa ko‘tarilib oldi.
Messi Argentina terma jamoasida jami 164 ta o‘yin o‘tkazgan.
Reytingning ikkinchi pog‘onasida 148 ta o‘yinda 109 ta gol urgan eronlik Ali Dayi bormoqda. Rekordchi esa Krishtianu Ronaldu hisoblanadi. Hujumchi Portugaliya safidagi 189 o‘yinda 117 ta to‘p kiritgan.
Izoh (0)