Аргентина терма жамоаси ҳужумчиси Лионель Месси Ямайкага қарши кечган ўртоқлик ўйинида (3:0) дубль қайд этди.
«ПСЖ» форварди миллий терма жамоа сафидаги 89 ва 90-голларини урди. Месси бу орқали Малайзия вакили Моҳтар Даҳарини (89) ортда қолдириб, терма жамоалар тарихидаги энг яхши тўпурарлар рейтингида учинчи ўринга кўтарилиб олди.
Месси Аргентина терма жамоасида жами 164 та ўйин ўтказган.
Рейтингнинг иккинчи поғонасида 148 та ўйинда 109 та гол урган эронлик Али Дайи бормоқда. Рекордчи эса Криштиану Роналду ҳисобланади. Ҳужумчи Португалия сафидаги 189 ўйинда 117 та тўп киритган.
Изоҳ (0)