O‘zbekistondagi kasb-hunar maktablarida maishiy texnikalarga xizmat ko‘rsatishga o‘qitish yo‘lga qo‘yiladi. Bu haqda Shavkat Mirziyoyev huzurida elektrotexnika sanoatidagi istiqbolli yo‘nalishlar hamda kelgusidagi asosiy vazifalarga bag‘ishlangan yig‘ilishda aytib o‘tildi.
Davlat rahbari dastlab sohada erishilgan natijalarga to‘xtalib, kelgusida mutasaddilar oldiga bu borada amalga oshirilishi lozim bo‘lgan bir qator vazifalarni belgilab berdi. Xususan, professional ta’lim sohasida yirik ishlab chiqaruvchilar bilan birga hududlardagi kasb-hunar maktablarida maishiy texnikalarga xizmat ko‘rsatishga o‘qitishni yo‘lga qo‘yish belgilandi.
Bundan tashqari, “O‘zeltexsanoat” uyushmasi oldiga Oliy va o‘rta maxsus ta’lim vazirligi bilan birgalikda yil yakuniga qadar maishiy texnika bo‘yicha 1 ta, kelgusi yilda muqobil energetika, yuqori kuchlanish uskunalari va yangi avlod kabel mahsulotlari bo‘yicha 1 tadan “Izlanish va rivojlanish” (RnD) markazlarini ochish vazifasi qo‘yildi.
Izoh (0)