Bugun,

  • USD 11014.01
  • RUB 191.8
  • EUR 10674.78

Tayvan hukumati Pekin tomonidan taklif etilgan “Bir mamlakat — ikki tizim” modeli doirasida Xitoy bilan birlashish imkoniyatini rad etmoqda, deb yozadi Meduza.

Foto: AP Photo

Foto: AP Photo

“Tayvan ‘bir mamlakat — ikki tizim’ g‘oyasini qat’iyan rad etadi. Faqat Tayvan xalqining o‘zi o‘z kelajagi haqida qaror chiqara oladi”, — dedi Tayvan Tashqi ishlar vazirligi vakili Joann Ou.

“Bir mamlakat — ikki tizim” modeli asosida Xitoy tarkibiga kirish haqidagi, Tayvanga qaratilgan taklif Davlat kengashi tomonidan 10-avgust kuni e’lon qilingan “oq kitob”ga* kiritilgan edi. U yerda Tayvan va Xitoyning “qayta birlashuvi” muqarrar ekani va Pekin masalaning kuch ishlatiladigan variantini istisno qilmayotgani aytilgandi.

*“Oq kitob” — Xitoy Davlat kengashi tomonidan chop etiladigan davriy axborot byulleteni. Unda muhim masalalar bo‘yicha hukumat pozitsiyasi bayon qilinadi.

Tayvan atrofidagi vaziyatning keskinlashuvi AQSH Kongressi Vakillar palatasi spikeri Nensi Pelosining orolga tashrifi tufayli yuz berdi. Ushbu safardan keyin Xitoy Tayvan sohillari yaqinida katta ko‘lamli harbiy mashg‘ulotlar boshladi va orolga qarshi sanksiyalar e’lon qildi.

“Bir mamlakat — ikki tizim” modeli 1997-yilda Xitoy tarkibiga kirgan Gonkongda amal qiladi. So‘nggi yillarda Pekin Gonkong muxtoriyatini sezilarli darajada cheklay boshladi, bu keng ko‘lamli norozilik namoyishlariga va shahar mustaqilligi tarafdorlari harakati yuzaga kelishiga sabab bo‘ldi.

Izoh
Asosiy yangiliklar
Mahalliy
O‘zbekistonda noqonuniy yer oldi-sotdisi bo‘yicha rekord yangilanmoqda
Mahalliy
Namanganda Cobalt traktor tirkamasiga borib urilishidan ikki kishi halok bo‘ldi
Mahalliy
Ozarbayjon aviakompaniyasi Bokudan Samarqandga to‘g‘ridan to‘g‘ri reyslarni yo‘lga qo‘yadi