Ўзбекистон лимонини Хитойга экспорт қилиш учун рухсатнома олинди. Бу ҳақда ўсимликлар карантини ва ҳимояси агентлигининг матбуот хизмати хабар берди.
Ҳисоботда қайд этилишича, цитрус мевалар дунёнинг 15 га яқин давлатига, жумладан, Хитойга ҳам экспорт қилинади.
Ўзбекистонда лимоннинг, асосан, Мир ва Майер навлари етиштирилади. Цитрус мевалари октябрь—ноябрь ойларида йиғиб олишга тайёр бўлиб, сақланишида зарур шароит яратилганда апрель, ҳаттоки май ойигача ҳам даромад манбаи бўлиши мумкин.
Бугунги кунга қадар мамлакат ҳудудида 10 га яқин қадоқловчи корхона, 100 дан ортиқ боғ ва иссиқхона Хитой фитосанитария хизмати талабига жавоб бериши аниқланган.
2022 йил бошидан буён Ўзбекистондан 3 минг тоннага яқин, 2,9 миллион долларга тенг бўлган лимон экспорт қилинган.
Бугунги кунда маҳсулотни Ҳиндистон, Япония, Мьянма, Латвия, Гана, Бирлашган Араб Амирликлари, Покистон, Мустақил Давлатлар Ҳамдўстлиги мамлакатларига экспорт қилиш мумкин.
Экспортбоп маҳсулотни етиштиришда алоҳида тавсияларга риоя этиш мақсадга мувофиқ. Энг аввало, цитрус мевани карантин ости зараркунандаларидан асраш муҳим.
Изоҳ (0)