O‘zbekistonda avtotransport vositalariga o‘rnatilgan gaz ballonlari narxi tushushi mumkin. Bu haqda Oliy Majlis Senatining Mudofaa va xavfsizlik masalalari qo‘mitasi raisi Qutbiddin Burxonov “Daryo” muxbiriga bergan intervyusida aytib o‘tdi.
Qutbiddin Burxonovning ma’lum qilishicha, gaz ballonlari narxini minimallashtirish bo‘yicha Vazirlar Mahkamasiga so‘rov yuborilgan.
“Hozirgi kunda O‘zbekistonda uch viloyatda xalqaro standartlar talabiga javob beradigan gaz ballonlari ishlab chiqarilmoqda. Bu chiqarilayotgan mahsulotlar haqiqiy metaldan tayyorlangani bois talabga javob bermaydigan, juda yupqa tunuka materiallaridan tayyorlanganlariga nisbatan narxi biroz qimmat.Qo‘mita raisi “Daryo” muxbirining gaz ballonlari yaqin kelajakda arzonlashadimi degan savolga “Ha, albatta” deb javob berdi.Shunga biz Vazirlar Mahkamasiga yuborgan so‘rovimizda ham mamlakatda ishlab chiqarilayotgan gaz ballonlarini xaridorgir qilib tayyorlash va xalqimizga puxta, xavfsizlik talablariga javob beradigan darajada ishlab chiqarish masalasini kiritdik. Ushbu talablar hukumatda bugungi kunda o‘rganilmoqda”, – dedi senator.
Uning qo‘shimcha qilishicha, gaz ballonlari ehtiyojni qondiradigan darajada ishlab chiqarilsa va ishlab chiqaruvchilarning soni ko‘paysa narxlar bir muncha arzonlashadi.
Avvalroq Oliy Majlis Senatining o‘ttiz ikkinchi yalpi majlisida Qutbiddin Burxonov belgilangan miqdordan ko‘p gaz quygan shoxobcha litsenziyasini bekor qilish bo‘yicha taklif kiritgan edi.
Izoh (1)
Енгил автомобилларга урнатиладиган газ балон хакикатда ута киммат. Назоратга олингани яхши булибди. Тадбиркорларга кенг йул очиб берилди. Лекин бу дегани хохлаган нархда сотсин дегани эмас бензин сингари. Четдан хам кирсин хавфсиз арзон булиши керак. Узимизда чикиши албатта яхши лекин GM завод сингари уз халкига ута киммат нархга сотмаслик керак. Илгари Хитойдан олиб кирилган капрон газ балон енгил хавфсиз лекин темир балондан киммат булган. Хозирда четдан кирмагани хисобига нархи ута кимматлашиб кетди. Мен Россияда 3 ой юриб келдим. Уш жойда айнан машиналарга урнатилган газ балон хакида сурадим ва курдим. Россияда темир балон портлаши осон булгани учун енгил машиналарга урнатишга рухсат йук экан. Бизда акси нима Узбеклар темирдан яралганми. Капрон балон хавфсиз булгани учун Россияда рухсат бор буни кайта куриб чикиш керак деб уйлайман. Хозирда бизда ишлаб чикарилаёткан газ балон нархи ута киммат 500-600 доллор дейишяпти урнатиш. Илгари 2 млн 700 минг булган. Бензин нархи хам кушни давлатларга караганда ута киммат буни куриб чикиш керак. Бензин арзон булса шу бензинда юрган булар эдик. Растамочкани очмаганга кура шу муаммаларни халк учун енгиллик килиш керакми йукми ?