Rossiya prezidenti Vladimir Putin va Hindiston bosh vaziri Narendra Modi SHHT-2022 sammiti doirasida uchrashdi. Quyida muloqotdagi asosiy masalalar keltiriladi.
Modi dunyodagi oziq-ovqat va energiya xavfsizligi muammolarini hal qilish yo‘llarini izlash zarurligini ta’kidladi. Putin esa Hindiston Ukrainadagi mojarodan xavotirlanishidan xabardor ekanini aytdi. Uning so‘zlariga ko‘ra, Rossiya Ukrainadagi mojaroga imkon qadar tezroq barham berish uchun hamma narsani qilmoqda, biroq Kiyev muzokaralardan bosh tortmoqda.
Putin, shuningdek, Modini Rossiyaga tashrif buyurishga taklif qildi. Yangi Dehli iltimosiga binoan Hindistonga rus o‘g‘itlarini yetkazib berish sakkiz baravardan ko‘proqqa oshgani qayd etildi.
Putin Rossiya va Hindiston o‘rtasida vizasiz turistik sayohatlar bo‘yicha kelishuv muzokaralarini faollashtirishni taklif qildi.
Izoh (0)