Sankt-Peterburgda murakkab moliyaviy ahvolda va yashash joyisiz qolgan o‘zbekistonlik fuqaroga yordam ko‘rsatildi. Bu haqda Tashqi mehnat migratsiyasi agentligi xabar berdi.
Qayd etilishicha, 2022-yil fevral oyida Rossiyaga ishlash uchun kelgan o‘zbekistonlik K.A. avgust oyida ishsiz qolgani sababli Tashqi mehnat migratsiyasi agentligining Sankt-Peterburg shahridagi vakolatxonasi hamda Bosh konsulxonaga vaqtincha yashash uchun yotoqxona to‘lovini amalga oshirishda hamda vatanga qaytishda yordam so‘rab murojaat qilgan.
Natijada shu kunning o‘zida fuqaro K.A. farzandlari bilan agentlikning Sankt-Peterburgdagi vakilligi tomonidan Xorijda mehnat faoliyatini amalga oshiruvchi fuqarolarni qo‘llab-quvvatlash hamda ularning huquq va manfaatlarini himoya qilish jamg‘armasi hisobidan xostelga joylashtirildi.
Shuningdek, fuqaroning O‘zbekistondagi yaqin qarindoshlari ko‘magida aviachipta olib berildi va Sankt-Peterburg—Urganch yo‘nalishidagi aviareys bilan vatanga qaytarildi.
Izoh (0)