Navoiy viloyati, Karmana tumanidagi Hanjin Navoi Complex mehmonxonasi kimoshdi savdosiga qayta qo‘yildi. Lot ma’lumotlari “E-auksion” portalida e’lon qilingan.
Lot izohida yozilishicha, Hanjin Navoi Complex mehmonxonasi 51 ta xonadan iborat, 58 o‘ringa mo‘ljallangan bo‘lib, barcha jihozlari bilan birgalikda sotiladi.
Yer uchastkasining umumiy maydoni — 1,8 gektar. Binoning maydoni — 7 940 kvadrat metr. Mehmonxonada suv, elektr, gaz ta’minoti va kanalizatsiya tizimi mavjud.
Auksionga qo‘yilgan mehmonxonaning boshlang‘ich bahosi — 16,5 mlrd so‘m edi. Endilikda uning narxi o‘zgarib, 13,2 mlrd so‘mga tushdi.
Arizalar 3-oktabr soat 09:00 ga qadar qabul qilinadi. Savdolar xuddi shu kuni 10:00 da boshlanadi.
Avvalroq “Samarqand Dori-darmon” auksionda 2,1 mlrd so‘mga sotilgani haqida xabar berilgandi.
Izoh (0)