Surxondaryo viloyati Muzrabot tumaniga hokim vazifasini bajaruvchi tayinlandi. Bu haqda tuman hokimligi axborot xizmati xabar qildi.
Qayd etilishicha, 12-sentabr kuni Muzrabot tumani hokimligida Surxondaryo viloyati hokimi o‘rinbosari Usmon Turopov raisligida tashkiliy masalaga bag‘ishlangan yig‘ilish o‘tkazilgan. Unda Xalq deputatlari tuman Kengashi deputatlari, tuman hokimi o‘rinbosarlari, tegishli tashkilot va muassasa vakillari qatnashgan.
Surxondaryo viloyati hokimi To‘ra Bobolovning tegishli buyrug‘iga asosan Abdurashid Ismoilov Muzrabot tumani hokimi vazifasini bajaruvchi etib tayinlangan.
Abdurashid Ismoilov 1977-yilning 12-iyulida Boysun tumanida tug‘ilgan. 2005-yilda Termiz Davlat universitetini, 2014-yilda Toshkent Moliya institutini tamomlagan. Mutaxassisligi – Budjet hisobi va nazorat-moliya.
U 2022-yil 25-avgustidan buyon Muzrabot tumani hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari - iqtisodiy taraqqiyot va kambag‘allikni qisqartirish bo‘limi boshlig‘i lavozimida faoliyat yuritib kelayotgandi. Bundan avval Moliya vazirligida faoliyat yuritgan.
Izoh (0)