Rossiya o‘zining Boltiqbo‘yi sohilidagi eng yangi suyultirilgan gaz (LNG) terminalidan birinchi yukni Gretsiyaga jo‘natadi. Xomashyo xaridori oshkor etilmagan. Bu haqda Bloomberg xabar berdi.
Germaniyaga yopilgan “Shimoliy oqim” gaz quvuri yaqinidagi yangi terminal Rossiyaning Yevropaga oqimlarni qisqartirish qarori bilan kuchaygan misli ko‘rilmagan energetika inqirozi sharoitida ishga tushmoqda.
Quvurlar orqali gaz yetkazib berish deyarli to‘xtagan bo‘lsa-da, Rossiyaning boshqa LNG zavodidan o‘ta sovitilgan yoqilg‘i hali ham Yevropa portlariga yuborilmoqda.
Rossiyaning gaz giganti “Gazprom” dushanba kuni kichik obyektda 72 soatlik sinovni yakunladi. Zavod allaqachon 30 ming tonnaga yaqin LNG ishlab chiqargan.
Ukrainadagi urush boshlanganidan keyin Buyuk Britaniya mamlakatdan o‘ta sovutilgan yoqilg‘ini olishni to‘xtatgan bo‘lsa-da, hozirda Yevropada Rossiyaning suyultirilgan gaziga nisbatan hech qanday sanksiyalar mavjud emas.
Gretsiyaning yagona LNG inshooti yiliga 6 milliard kubometr gaz ishlab chiqarishi mumkin, uning yarmi shimolga Bolgariya va Shimoliy Makedoniyaga, qolgani esa ichki bozorga yo‘naltiriladi.
Bolgariya joriy yil boshida Rossiyaning yangi to‘lov shartlarini bajarishdan bosh tortgani uchun mamlakat gaz quvuridan uzilgan edi.
Bloomberg tomonidan tuzilgan kema kuzatuvi ma’lumotlariga ko‘ra, Pskov LNG tankeri hozirda Portovaya LNG zavodida o‘rnatilgan bo‘lib, bortga birinchi yukni olib ketmoqda.
Avvalroq Rossiya davlat gaz ishlab chiqaruvchisi “Gazprom” kompaniyasi 2-sentabr kuni “Shimoliy oqim” quvuri orqali yetkazib berishni noma’lum muddatga to‘xtatib qo‘yishini ma’lum qilgandi.
Izoh (0)