Bayden va Shtaynmayer Yelizaveta II ning dafn marosimida ishtirok etadi

AQSH prezidenti Jo Bayden Buyuk Britaniya qirolichasi Yelizaveta II ning dafn marosimida ishtirok etish uchun Londondan rasmiy taklif qabul qildi, deb xabar bermoqda Fox News.

Amerika yetakchisi qirolicha Yelizaveta II ning dafn marosimda ishtirok etadi. Oq uy, shuningdek, AQSH birinchi xonimi Jill Bayden unga hamroh bo‘lishini e’lon qildi.

Yelizaveta II ning dafn marosimida Germaniya prezidenti Frank-Valter Shtaynmayer ham ishtirok etadi, deya xabar bermoqda Der Spiegel.

Yelizaveta II 8-sentabr kuni Balmoral qasrida vafot etdi. O‘limidan avval qirolichaning sog‘lig‘i yomonlashgan edi, bir nechta ommaviy tadbirlar uning ishtirokisiz o‘tkgan. Uning vafotidan keyin qirollikda o‘n kunlik motam e’lon qilindi, dafn marosimi 19-sentabrda bo‘lib o‘tadi, undan keyin motam yana bir hafta davom etadi.

Yelizaveta II ning 73 yoshli o‘g‘li Charlz Buyuk Britaniya qiroli bo‘ldi. U Charlz III nomini oldi va 10-sentabrda rasman taxtga o‘tirdi.