“Hududgaz Poytaxt” Toshkentning Yunusobod va Olmazor tumanlarining ba’zi hududlarida 12-sentabr kuni tabiiy gaz ta’minoti vaqtinchalik to‘xtatilishini e’lon qildi.
Yunusobod tumani, Niyozbek yo‘li 5-tor ko‘chasida joylashgan gaz quvurlarini tartibga keltirish ishlari rejalashtirilgan. Shu sababli 12-sentabr kuni soat 10:00 dan 17:00 gacha Niyozbek yo‘li 5-tor ko‘chasidagi 1—2-ko‘p qavatli uylarda, 10 ta hovli xonadonlarda gaz ta’minoti vaqtinchalik to‘xtatiladi.
Olmazor tumani, Qorasaroy ko‘chasida joylashgan yerusti D-76 mm li past bosimli gaz quvurini ham tartibga keltirish rejalashtirilgan. Shu sababli 12-sentabr kuni soat 10:00 dan 17:30 gacha “Guruch ariq” mahallasidagi 42 ta hovli xonadonlarda hamda 1 ta ko‘p qavatli uyda gaz ta’minoti vaqtinchalik to‘xtatiladi.
“Yuzaga kelayotgan noqulayliklar uchun gaz ta’minoti filiali iste’molchilardan uzr so‘raydi”, — deyiladi “Hududgaz Poytaxt” xabarida.
Izoh (0)