Qamchiq dovonida 10-sentabr kuni to‘rt kishining o‘limi bilan yakunlangan yirik YTH yuz bergandi. IIV Jamoat xavfsizligi departamenti Yo‘l harakati xavfsizligi xizmati holat yuzasidan qo‘shimcha ma’lumot berdi.
Ma’lum qilinishicha, Volvo yuk avtomobili o‘zi bilan bir yo‘nalishda harakatlanib ketayotgan Matiz, Cobalt, Isuzu yuk mashinasi, Nexia-2, Cobalt, MAN yuk mashinasi, Cobalt va Spark’ni urib yuborgan.
Oqibatda 3 ta Cobalt, Spark hamda yuk avtomobillarida yong‘in kelib chiqqan, voqea joyida 3 nafar fuqaro vafot etgan. Avtomobillar salonida bo‘lgan 7 nafar yo‘lovchi tan jarohati olib, Toshkent viloyati, Angren shahri hamda Namangan viloyati, Pop tumanidagi Markaziy shifoxonaga yuborilgan. U yerda yana bir fuqaro vafot etgandi.
Ushbu YTH yuzasidan Namangan viloyati Pop tuman IIB huzuridagi TB tomonidan tergovga qadar surishtiruv harakatlari olib borilmoqda.
Izoh (0)