Қамчиқ довонида 10 сентябрь куни тўрт кишининг ўлими билан якунланган йирик ЙТҲ юз берганди. ИИВ Жамоат хавфсизлиги департаменти Йўл ҳаракати хавфсизлиги хизмати ҳолат юзасидан қўшимча маълумот берди.
Маълум қилинишича, Volvo юк автомобили ўзи билан бир йўналишда ҳаракатланиб кетаётган Matiz, Cobalt, Isuzu юк машинаси, Nexia-2, Cobalt, MAN юк машинаси, Cobalt ва Spark’ни уриб юборган.
Оқибатда 3 та Cobalt, Spark ҳамда юк автомобилларида ёнғин келиб чиққан, воқеа жойида 3 нафар фуқаро вафот этган. Автомобильлар салонида бўлган 7 нафар йўловчи тан жароҳати олиб, Тошкент вилояти, Ангрен шаҳри ҳамда Наманган вилояти, Поп туманидаги Марказий шифохонага юборилган. У ерда яна бир фуқаро вафот этганди.
Ушбу ЙТҲ юзасидан Наманган вилояти Поп туман ИИБ ҳузуридаги ТБ томонидан терговга қадар суриштирув ҳаракатлари олиб борилмоқда.
Изоҳ (0)