Namangan viloyati Uychi tumanida aholi bandligiga ko‘maklashish markazi direktori ushlandi. Bu haqda Iqtisodiy jinoyatlarga qarshi kurashish departamenti xabar qildi.
Qayd etilishicha, Bosh prokuratura huzuridagi departament hamda DXXning Uychi tumani bo‘limlari tomonidan tezkor tadbir o‘tkazilgan. Unda Uychi tuman Aholi bandligiga ko‘maklashish markazi direktori S.A. 2 nafar fuqaroni ushbu markazga ishga qabul qilishni va’da qilgani aniqlangan. U xizmati evaziga o‘z xonasida 200 dollar va 2,2 million so‘mni olgan vaqtida ashyoviy dalillar bilan ushlangan.
Shuningdek, olib borilgan tergovga qadar tekshiruvlar davomida S.A fuqaro X.dan 18 nafar fuqaroni rasmiy ishsizlar ro‘yxatiga kiritib qo‘yish uchun muqaddam 1,8 million so‘m olgani aniqlanib, shundan 100 dollar va 600 ming so‘mni qaytargani protsessual tartibda rasmiylashtirilgan.
Mazkur holat yuzasidan Jinoyat kodeksining 210-moddasi (pora olish) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Izoh (0)