Bugun,

  • USD 11095.31
  • RUB 173.84
  • EUR 10772.44

Samarqand 15—16-sentabr kunlari Shanxay hamkorlik tashkilotiga a’zo mamlakatlar davlat rahbarlari kengashi majlisiga mezbonlik qiladi. Prezident matbuot xizmati sammitda ishtirok etuvchilar ro‘yxatini e’lon qildi.

Sammitda tashkilotga a’zo sakkiz nafar davlatlar rahbarlari ishtirok etadi: O‘zbekiston prezidenti Shavkat Mirziyoyev, Rossiya prezidenti Vladimir Putin, Xitoy raisi Si Szinpin, Hindiston bosh vaziri Narendra Modi, Pokiston bosh vaziri Shahboz Sharif, Qozog‘iston prezidenti Qosim-Jo‘mart To‘qayev, Qirg‘iziston prezidenti Sadir Japarov, Tojikiston prezidenti Emomali Rahmon.

Belarus prezidenti Aleksandr Lukashenko, Eron prezidenti Ibrohim Raisiy, Mo‘g‘uliston prezidenti Uxnagiyn Xurelsux kuzatuvchi sifatida tashrif buyuradi.

Tashkilot bosh kotibi Chjan Mina Belarus SHHTga a’zo bo‘lish uchun ariza topshirganini ma’lum qilgandi. Respublikani SHHT a’zoligiga kiritish tartibini boshlash to‘g‘risidagi qaror Samarqandda bo‘lib o‘tadigan sammitda qabul qilinadi. Sammitda Eron yangi doimiy a’zo sifatida tanishtirilishi kutilmoqda.

Turkiya prezidenti Rajab Toyyib Erdo‘g‘on, Ozarbayjon prezidenti Ilhom Aliyev, Turkmaniston prezidenti Serdar Berdimuhamedov va Armaniston bosh vaziri Nikol Pashinyan sammitga mehmon sifatida taklif etilgan.

Foto: Prezident matbuot xizmati

Foto: Prezident matbuot xizmati

Ushbu tadbir SHHT yetakchilarining 2019-yildan buyon birinchi yuzma-yuz uchrashuvi bo‘ladi va O‘zbekistonning tashkilotdagi raisligiga yakun yasaydi.

O‘zbekiston raisligi davrida asosiy e’tibor tashkilot doirasidagi hamkorlikning savdo-iqtisodiy aloqalarni mustahkamlash, sanoat kooperatsiyasini ilgari surish, transport-kommunikatsiya o‘zaro bog‘liqligini kengaytirish, raqamli transformatsiya va “yashil” iqtisodiyot, SHHTning xalqaro nufuzini mustahkamlash kabi eng muhim ustuvor yo‘nalishlariga qaratildi.

Izoh
Asosiy yangiliklar
Dunyo
“Turkiya yangi dunyo tartibining markazida bo‘lishi kerak” — Erdo‘g‘on
Mahalliy
Andijonda 41 kishi jarohatlangan avtohalokat qurbonlari soni 4 nafarga yetdi
Dunyo
Litvada ham rus tilini o‘qitishdan voz kechish taklif qilindi