Vazirlar Mahkamasining “Nogironligi bo‘lgan shaxslarning mehnat faoliyatini amalga oshirishi uchun qulay shart-sharoitlar yaratish chora-tadbirlari to‘g‘risida”gi qarori qabul qilindi, deb xabar bermoqda Norma.
Hujjat bilan nogironligi bo‘lgan shaxslar uchun tavsiya etilgan ishchi kasblar va xizmat lavozimlarining namunaviy ro‘yxati (klassifikatori) tasdiqlandi. Ushbu ro‘yxatda 70 ta mehnat turi bo‘yicha 700 ga yaqin kasb va mutaxassisliklar aks ettirilgan, ular orasida elektr va avtotelejka haydovchisi, Prezident Xalq qabulxonasi inspektori, shifokor-mutaxassis, ekspert, tovarshunos va hokazo bor.
Nogironligi bo‘lgan shaxslarning faoliyat yuritishi uchun ish o‘rinlari va kasblarni moslashtirish bo‘yicha tavsiyalar. Ushbu hujjatda
Hujjatda nogironligi bo‘lgan shaxslarning ish joylarini attestatsiyadan o‘tkazish, ish joylaridagi jihozlar va mehnat qurollari bo‘yicha tavsiyalar, sanitariya-maishiy va maxsus xonalarni tashkil etish va jihozlash bo‘yicha tavsiyalar aks ettirilgan.
Misol uchun, bino ichida nogironligi bo‘lgan shaxslar foydalanadigan eshiklarni ochish-yopish moslamalari, gorizontal tutqichlar, dastaklar, jo‘mraklar, uskunalarni ishga soluvchi tugmalar va boshqa jihozlar balandligi 1,1 metrdan oshmagan bo‘lishi lozim. Shuningdek, liftlar, xollar, tamburlari va hojatxona kabinalarida “tashvish” qo‘ng‘iroq tugmasi va dispetcher (navbatchi) bilan gaplashish tuzilmasini o‘rnatish tavsiya etiladi.
Shuningdek, nogironligi bo‘lgan shaxslarning faoliyat yuritishi mumkin bo‘lgan kasblar va lavozimlar ro‘yxati hamda mehnat sharoitlari bo‘yicha tavsiyalar keltirilgan.
Xususan, meningit, araxnoidit, meningoensefalit G03, ensefalit yoki ensefalomelit G05 kasalligi oqibatida nogironlik orttirgan shaxslar to‘qima mebellar to‘quvchi, texnik-gidrolog, tibbiy ro‘yxatdan o‘tkazuvchi, liftchi sifatida ishlashlari mumkin. Bunda ularga yengil jismoniy zo‘riqish, asab-ruhiy zo‘riqish yengil yoki o‘rtacha, yukning bir marotaba ko‘tarish og‘irligi 5 kilogrammgacha (erkaklar uchun), 3 kilogrammgacha (ayollar uchun) bo‘lgan sharoitlarda ishlash tavsiya etiladi.
Aholi bandligiga ko‘maklashish markazlariga ish so‘rab murojaat qilgan nogironligi bo‘lgan shaxslarning ish bilan bandligiga ko‘maklashish uchun yo‘llanmalar berishda tavsiya etilgan kasb va lavozimlarni inobatga olishlari lozim.
Hujjat qonun hujjatlari ma’lumotlari milliy bazasida e’lon qilingan va 31-avgustdan kuchga kirdi.
Izoh (0)